Home Preke IN DIE TEENWOORDIGHEID VAN DIE ALLERHOOGSTE GOD

IN DIE TEENWOORDIGHEID VAN DIE ALLERHOOGSTE GOD

Datum: 2022-01-08
  1. ‘n Erediens is elke keer ‘n baie besondere, baie spesiale en baie kosbare geleentheid. In ‘n erediens is ek saam met ander Christengelowiges in die teenwoordigheid van die allerhoogste God.
  2. God is ewig, almagtige, hoog verhewe bo alles en almal, alwetend en heilig. Ek is nietig en sondig. Hoe kom ek in voor die volmaakte God en wat doen ek wanneer ek voor Hom is?
  3. Ons antwoord die vraag in pt.2 deur ons erediens op ‘n sekere manier in te rig. Ons erediens bestaan in werklikheid uit vier dele, kan ons sê:

Ontmoeting

Verootmoediging

Verkondiging

Antwoord

  1. Tydens die ONTMOETING gebeur die volgende:

Ons sê vir God dat ons in sy teenwoordigheid is en heeltemal afhanklik van Hom is.

Die Here gee ons sy seën waaarin Hy ons van sy genade, sy barmhartigheid en vrede verseker.

Ons antwoord die Here op sy seën deur Hom met sang te prys en te eer

Na die sang bely ons ons geloof waarmee ons voor God staan.

Na ons belydenis saam met Christus se kerk oor die aarde sing ons as deel van ons belydenis.

  1. Na die ontmoetingsdeel van die erediens afgehandel is, kom ons by VEROOTMOEDIGING. Ons het nodig om ons voor God te verootmoedig, want ons is sondig. Tydens ons verootmoediging gebeur die volgende:

Ons luister na die Here se Wet om ons sonde te besef, vaster te glo dat Jesus Christus ons van al ons sonde verlos het en om te hoor hoe ons God behoort te dank vir ons verlossing.

Na die wet antwoord ons met sang.

Dan bid ons saam. Verootmoediging is ‘n belangrike deel van hierdie gebed.

  1. Op die verootmoedigingdeel volg die VERKONDIGING in die erediens. God se Woord neem ‘n baie belangrike plek in die erediens in. Sy Woord moet gelees en gepreek word. Elke preek moet Jesus Christus wat vir ons gesterf en opgestaan het, bevat.

In die verkondigingdeel gebeur die volgende:

Ons begin met sang.

Ons lees uit die Bybel, God se Woord.

In die preek word die deel uit die Bybel verduidelik en in ons lewens toegepas.

  1. Na die preek kom die deel waar ons ANTWOORD in die erediens. Ons het God se Woord gehoor. Hy wil in die erediens ‘n antwoord van ons hoor. In dié deel gebeur die volgende:

Ons antwoord op God se Woord met sang.

Ons bid ‘n gebed waarin ons God dank vir sy Woord.

Ons gee liefdegawes vir barmhartigheid.

Ons ontvang die Here se seën.

Dit is nodig om hierdie alles te weet, sodat elkeen besef wat regtig in ‘n erediens gebeur. Wanneer ‘n mens besef wat ‘n erediens regtig is en uit watter belangrike dele ‘n erediens bestaan, glo ek ons almal sal nog meer uitsien om elke week in die teenwoordigheid van die allerhoogste God te wees.

JN

9/01/2022